Ευχή Εξομολογητική - Ευχη μετά την εξομολόγησιν

Εξομολογούμαι σοι, Δέσποτα Κύριε Ιησού Χριστέ, εν όλη καρδία μου, κλίνω γόνυ σώματος και ψυχής. Εξαγορεύω σοι το Θεώ μου τας ανομίας μου. Πρόσδεξαί μου τας δεήσεις, και δώρησαι μοι τω αμαρτωλώ πένθος πενθήσαι εμαυτόν, ίνα μη κλαύσω εις αιώνας ανόνητα.
Ότι πάσαν αμαρτίαν ειργασάμην ο άθλιος, ότι κατεμόλυνα μου το σώμα και την ψυχήν, και πολλάκις μετανοήσαι υποσχόμενος, τοσάκις τοις αυτοίς περιέπεσον.
Ευκοπώτερον σταγόνες υετών αριθμήσονται η των εμών αμαρτιών η πληθύς. Πασάν μου γάρ αίσθησιν ο τάλας και πάν μέλος εμίανα, έφθειρα, ηχρείωσα. Μίαν και μόνην καταφυγήν έχω, Κύριε, την σήν φιλανθρωπίαν, διο δυσωπώ την ανεικαστόν σου αγαθότητα. Συγχώρησόν μοι πάντα τα τα πλημμελήματα,οία και όσα έν όλη μου τη ζωή εξήμαρτον, άτινα καθ' εκάστην ο αλάθητος ειδέ σου οφθαλμός. Πρεσβείαις της παναχράντου σου Μητρός Δεσποίνης ημών Θεοτόκου, και πάντων σου των Αγίων. Οτι ευλογητός εί είς τους αιώνας. Αμήν

Ευχή ευχαριστήριος μετά την εξομολόγησιν
Ευχαριστώ σοι, Κύριε, Ιησού Χριστέ ο Θεός ο Σωτήρ μου, ο μακρόθυμος και πολυέλεος, ο αμνημονών επι ταις κακίαις ημών και χαίρων επι τη επιστροφή των πεπλανημένων. Ευχαριστώ σοι, ότι καμοί τω ταπεινώ και αναξίω δούλω σου τω μυρίας δωρεάς παρά σου απολαύσαντι, και πάσας αφρόνως καταφρονήσαντι και απο σου μακρυνθέντι, και απειράκις σε παροργίσαντι και ατιμάσαντι δια της των αγίων σου εντολών παραβάσεως, και εις βάθος κακιών καταντήσαντι, ευσπλαγχνία χρησάμενος, χειρά μοι ώρεξας και ηγειράς με και ηξίωσάς με τον ανάξιον παραστήναι και προσπεσείν ενώπιον του θρόνου του ελέους σου και ζητήσαι και λαβείν άφεσιν των επταισμένων μοι, και συγκαταριθμηθήναι αύθις τοις εκλεκτοίς σου. Ευχαριστώ σοι, ότι ου παρείδες την ευτέλειάν μου, ούδ' εβδέλυξω την βορβορότητα των πράξεων μου, αλλ' ως τον Άσωτον εδέξω με και ενηγκαλίσω. Δυσωπώ ούν σου την ανείκαστον αγαθότητα, ενισχυσόν με του λοιπού δια της χάριστος του παναγίου σου Πνεύματος αντιπαλαίειν κατά τού διαβόλου, της σαρκός και τού κόσμου, και αυτής της αμαρτίας, φώτισόν μου τους νοερούς οφθαλμούς ίνα πορεύωμαι την οδόν των εντολών σου, και ζήσω το υπόλοιπον της ζωής μου ειρηνικόν και αναμάρτητον, και μετά την ενταύθα ζωήν, προς σε παραγενόμενος τον Θεόν και Σωτήρα μου, ευλογώ και δοξάζω σε εις αιώνας αιώνων. Αμήν.